JS SLOANE CO.- 1947 After Shave Splash
[𝗔𝗙𝗧𝗘𝗥 𝗦𝗛𝗔𝗩𝗘]
對抗疫情盡量唔出街/ Home office期間，少咗蠟頭，唔知大家又有冇剃鬚呢？煲眉調查暫時得知(截至今日20:30) ，接近6成巴打冇剃🤣 睇嚟疫情會掀起一股留鬚熱潮喇～
不過，最近有冇剃鬚都好，都實有用過鬚後水嘅！鬚後水嘅作用主要係收細毛孔、消毒同埋修護剃鬚過程受傷嘅皮膚。細佬其實冇乜鬚好剃，今次交比阿哥講吓啦😌上次介紹完骨仔，今次又到JS出場。
品牌：JS SLOANE Co.
產地：USA 🇺🇸
試用產品： 1947 After Shave Splash
Overall: 8/10
持久度：8/10
香味：JS SLOANE 1947 Collection 最 Signature 隻古龍水味
適用於：一物兩用，唔想”乸”面 。
.
⬆️Overall 8分主要係來自香味: 又係1947系列，真係唔描述喇，唔想講到賣廣告咁，但佢嘅香味同特久度係可以當古龍水用。當你女朋友一枝香水可能都要一千蚊嘅時候，依枝又鬚後水又古龍水，係咪抵番先🤣 ？
講到咁香，又點解會扣咗兩分呢？
.
⬇️首先，阿哥比較喜歡用一啲有少少刺激(會“乸”)嘅鬚後水，感覺refreshing啲之外，因為酒精成分會比較多，消毒作用會強啲。依枝用落就完全唔乸，反而似搽爽膚水多。如果巴打們喜歡比較溫和嘅鬚後水，依隻會係你嘅選擇。相反對我嚟講，就未必排第一喇。
.
⬇️其次，用完依隻鬚後水之後，塊面會有啲笠痴痴。過多十分八分鐘之後，面上都仲會有種搽咗嘢嘅感覺，有層膜咁。由於小弟都係比較喜歡清爽嘅感覺，所以又扣啲分。
另外，我哋發現樽入面有啲沉澱物。經官方 @jssloane 證實，沉澱物係因為產品有落防腐劑，而衍生出嚟嘅物質，係正常現象。
防腐劑喺護膚產品經常見到，加上美國對護膚品嘅成份好嚴格，大家都可以放心😉
以上都係我哋個人意見，如果有唔同睇法歡迎留言或者dm我哋交流吓！
