SOLID COLOGNE UK- Felix

---

[𝗦𝗢𝗟𝗜𝗗 𝗖𝗢𝗟𝗢𝗚𝗡𝗘]

一連串review咗幾隻頭髮產品之後，唔好忘記 BROMADE其實仲會試用不同男士用品㗎！天氣愈熱，今次介紹嘅用品大家可能會有興趣。

品牌：Solid Cologne UK
產地：London 🇬🇧
試用產品: FELIX 古龍膏

Overall: 8/10 
持久度：8/10 
強度：8/10
香味：甜甜地 、有啲似雲呢拿+西柚味
適用於：臭男人，天氣炎熱，容易出汗，街上使用，旅行

品牌名直接就係個product: 古龍膏。一般大家可能聽開古龍水，止汗劑，止汗膏。其實，近年都流行一隻固態古龍，姐係古龍膏啦。所謂古龍膏其實源於古埃及，會用植物提鍊香膏。去到依家，就有十分方便攜帶嘅英國古龍膏喇。

依隻古龍膏優點在於細細盒，可以拎出街隨時搽係頸或者手碗嗰啲位置。阿哥帶過佢出街幾次，覺得真係幾方便。

首先，阿哥大汗，最近天氣又熱，加埋個口罩，可能臭親人都唔知。依隻古龍膏嘅強度都幾勁，搽少少係頸同手，隔住口罩都會聞到香味。甚至平時就咁放係枱面，佢都有發出輕輕嘅香味。

另外佢嘅設計方便易用。細細盒放喺褲袋唔嘥位，就咁好似圖示用手推開使用就可以（喺街用記得先洗手！），好過你無啦啦係街噴香水啦！加上使用後隻手唔會有好笠嘅感覺，使用過程真係方便簡單。

不過要小心嘅係，佢個蓋唔算好實淨，小弟試過一推成塊跌咗落地下🤣

今次選用產品係Felix，味道就偏向中性少少，甜甜哋，有啲西柚同雲呢拿味咁。唔算係阿哥最喜歡嘅味道，不過其實solid cologne 有出8款味道，包括7種男士味道同1款女士味道(白色盒)。有興趣嘅可以去 @solidcologneuk.hk 睇吓有咩味適合自己😉