hongkong homebrew- Styling Clay
[𝗖𝗟𝗔𝗬]
以下全部係真人真事，長文，但真係唔係廣告。
[真人真事1🤔］
阿哥最近同朋友傾開頭髮用品，發現其實大家都驚gel頭gel到甩頭髮。咁大家如果真係驚嘅，點解唔試吓天然成份嘅產品呢？
所以事隔三個星期，低質BROMADE再次review高質香港品牌hongkonghomebrew！今次到佢哋嘅髮泥！
品牌：hongkonghomerbew 家釀
產地：Hong Kong 🇭🇰
試用產品: Styling Clay
Overall: 9/10 （自然效果+健康天然成份！）
光澤：3/10
軟硬度：4/10
持久度：7/10
柔順度：- /10 (阿哥有時會用叉梳作最後整理)
清洗：7/10
香味： 清新檸檬草
適用於：日常，怕甩頭髮又日日gel頭嘅人
依隻clay可以話係阿哥近排嘅number 1選擇，取代咗之前最愛嘅firsthand texturing clay。
上手唔算好易推，但係髮泥嚟講唔係好乾，輕輕捽吓就推得均，質感都舒服同幾滑。
持久力不錯。黏力就唔算好強。阿哥使用份量不多，過幾個鐘會有少少頭髮好似天線咁飛起啲啲。落多啲就冇依個問題，又唔會變到好笠，問題不大。
效果唔係完全啞色，冇嗰種吸哂你頭髮水份變乾草咁嘅感覺，非常自然。用手摷都容易做到層次，自己睇番相都覺得自己個頭幾靚🤪。
氣味比起firsthand更易接受，檸檬草味比起homebrew自己嘅styling cream淡少少，於是佢就成為阿哥日常生活會用嘅新寵兒喇！
［真人真事2😱]
出依個review嘅前一日，好有趣地喺觀塘某barbershop遇到hongkonghomebrew 創辦人。本身其實真係唔識佢，但同佢傾咗一陣，更加了解品牌背後嘅概念。
長話短說，因為品牌一直都以天然成份同頭髮健康為本，成份都係採自美國，成本較高。
咁個人意見老實講，佢哋比起其他髮泥又真係貴咗少少嘅。不過如果有造型得嚟又健康，就睇你覺得抵唔抵喇。
以上都只係個人睇法，始終每個人嘅喜好、感受，甚至係髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
