JS SLOANE CO.- Caviar Clay

---

[𝗖𝗟𝗔𝗬]

又係JS Sloane，可惜今次嘅產品比較令我哋失望喇。不過都好，至少大家都知道我哋嘅review係中肯同誠實嘅🤣

品牌：JS SLOANE Co.
產地：New York 🇺🇸
試用產品：Caviar Matte Clay

Overall: 5/10
光澤：3/10
軟硬度：2.5/10
持久度：3/10
柔順度：-/10 (細佬試過濕頭使用，覺得有7分)
清洗：5.5/10
香味：能得利果汁味五色冰雪條
適用於：超軟頭髮，自然效果，長頭髮濕用使用較好

外觀同個名一樣，包裝真係有啲似魚子醬🐟，我地亦覺得有啲似鞋油，睇你點睇啦🤣 點都好，JS產品嘅包裝都依舊冇令人失望，望落好luxury嘅感覺。不過除咗個包裝之外，其餘一切都同魚子醬冇關係嘅。

我哋係香港搵唔到佢，就特登托朋友係美國買番嚟試吓，試完就知點解香港冇得賣嚕（ 與髮質同香港天氣有關)。

⬇️ 效果同想像中都幾大出入。遠睇其實做到自然同volume嘅效果（圖2,3），但如果有留意我哋story 嘅話，會見到我哋使用依隻clay之後有天線頭嘅煩惱（圖4）。阿哥用咗一隻手指頭嘅份量，黏力同hold力依然唔夠。係掌心搽均後上頭，一開始感覺不錯，點知好快變乾。造型期間太乾扯頭髮，搞到甩咗幾條頭髮之餘，完成造型後亦好快出現天線頭。根據我哋story 調查，有85%受訪者都討厭天線頭，作為一隻clay，我哋覺得咁樣嘅效果唔太合格。

➡️. 細佬亦都試過濕髮上頭使用，hold力都唔算好，好快會有頭髮彈出嚟(圖5)。唯獨梳起上嚟都算順滑，始終個頭有水就唔同啲，大家使用其他產品都可以考慮咁玩。

Overall嚟講，JS依款產品保持到外表出眾，氣味清身嘅特點。但黏力hold力不強，又唔算易洗，短髮於潮濕天氣(香港！🇭🇰)容易造成天線頭，唔建議同阿哥差不多髮型/短髮嘅人使用，所以評分會較低。

如果你頭髮較幼，喺乾爽天氣使用效果會好啲自然啲。不過係香港，符合以上兩種條件應該好難了。喺外國可能會幾受歡迎嘅佢，香港冇得賣都尚算合理嘅！

以上都只係個人睇法，始終每個人嘅喜好、感受，甚至係髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻