REUZEL- Matte Texture Powder

---

[𝗣𝗢𝗪𝗗𝗘𝗥] 

好耐冇出過造型粉嘅review，因為老實講，眾多造型粉分別不大，唔係好多特別嘅point好講。但依隻豬粉用落算幾輕幾好用，睇吓你又喜唔喜歡？

品牌：REUZEL 🇳🇱 🐖
產地：USA 🇺🇸
試用產品：Matte Texture Powder

Overall: 7/10 (Recommended)
光澤：0/ 10 ( Extremely Matte)
軟硬度：2/10 (Soft)
Hold: 2/10 (Light Hold)
持久度：9/10 (Strong)
柔順度：0/10
清洗：2/10 (Difficult to wash out)
重塑：只可以喺表面托吓摷吓
香味：沒有
特色：粉嚟講幾乾，粉嚟講幾輕身

[包裝]
試過幾種粉，分別唔係好大，所以包裝同價錢可能就係決勝負嘅地方。REUZEL向來髮型產品包裝都唔係話特別靚，依隻豬粉就更加普通，⚫️ 🔵 輕身黑色膠樽加個貼紙。

[使用過程]
小弟試過滲落隻手都搽，結果仲麻煩周圍都係粉，最後都係覺得直接摻落頭比較簡單。佢嘅樽口係好似鹽樽咁，摻嘅時候算平均，唔會唔小心一吓倒好多。

[效果]
造型粉嚟講多數都係好啞色好乾，依隻都唔例外，對我嚟講仲係特別啞色添。佢會收到你個頭好乾好乾，搞到質感好似棉花糖咁，甚至有啲乾到冇哂營養咁。我自己覺得望落真係乾得濟，不過就真係做到Matte嘅效果，就算我哋影相嘅地方好光猛☀️ 都好，一啲光都冇反到。

另外完成造型後感覺較其他造型粉輕身，冇咁黏笠，可能因為真係好乾好乾嘅關係。

重塑就冇話唔得嘅，但睇你點塑法。如果想喺表面托高番個頭，又或者掃吓都冇問題。但如果手指一插入頭髮入面，恐怕你會feel到好乾好kick，🤣 唔知點算好。

[氣味及清洗]
冇氣味，但有味都唔好特登索啦，我怕會吸咗粉。

清洗方面，你哋唔係期待粉會易洗啊嘛？🤣 冇可能㗎 🤣。如果淨係用水沖，我諗你沖一個鐘都唔會洗得走。用咗洗頭水就還好，但小弟都要洗兩round 先真係洗乾淨。我哋偷睇過官方描述係”水溶性，易清洗”，我就不敢苟同了，😌 依度扣分。

總結嚟講，造型粉表現及能力分別不大。不過，依隻粉比其他粉可能更輕更乾，整體表現都做到應有嘅效果，可以一戰。

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得 🙏🏻