nø bad hair.- Hair Styling Clay

---

[𝗖𝗟𝗔𝗬]

講起印尼，大家可能第一時間都會諗起撈麵🍜或者蝦片🍤，但係原來印尼嘅Barbershop 文化已經發展得幾快，而且都有啲唔錯嘅髮型用品添！今次review 嘅產品嚟自印尼，包裝風格好時尚(有點像Aēsop 的風格) ，質地好似 cream 嘅 styling clay ，究竟效果係點呢？

品牌：nø bad hair.
產地：Indonesia 🇮🇩
試用產品：Hair Styling Clay (3.5oz)
Haircut: Sam & Felix from @goodmanfinecut 

Overall: 8/10 (Recommended)
光澤：4/10–>隨時間降低至 2/10 (Low Shine —> Matte)
軟硬度：7.5/10 (Medium to High)
Hold: 7/10 (Medium to Strong)
持久度：8/10 (Medium Endurance)
柔順度：3/10 (Low)
清洗：9/10 (Easy to wash out)
重塑：不建議，會散
香味：Essential Oil
特色：送兩用造型梳，質地滑，會變硬，較適合清爽短髮

個名夠吸引啦，no bad hair，冇差嘅頭髮。包裝設計我哋幾鍾意，雖然係膠樽，但幾硬淨，keep到好似幾高級嘅感覺。對於我哋依啲外貌協會會員嚟講，其實一見到都會好想試吓。

另外大家買嘅時候會連埋一把佢哋自己出嘅兩用梳，一邊係闊齒，一邊係叉梳。質地係好輕嘅膠嚟，唔算特別好用，但如果你哋屋企冇造型嘅梳的話，佢哋送都算幾貼心㗎！

香味就係平時行過無印良品香薰機聞到嘅精油味，係舒服唔太刺鼻嗰種，不過上頭一陣就冇味。

比較特別嘅係，如果用clay嘅標準去睇，佢質地好 creamy 好滑好易推，絕對唔係平時用開嗰啲髮泥鞋鞋哋嘅質地。平時用開嘅髮泥一推上手可能會好乾，而nø bad hair styling clay 就比起其他髮泥冇咁快收乾，上頭大約1分鐘左右先至乾之餘，可以好均勻咁揸開。

效果想先講講光澤方面。短髮用嘅話就一路都會係Low shine至 Matte嘅感覺。如果係中長髮型，比如細佬嗰種，使用份量會比較多，上頭就會有medium shine, 但又會慢慢收乾至matte finish，算係幾乎合官方描述。

另外，上面提到上手唔乾，但上頭收乾後黏性較低，短髮會有天線頭，但阿哥咁短嘅話又好自然唔介意。細佬因為中長髮型，hold得唔算實淨，冇幾耐就開始散，所以覺得都係揀返啲pomade / clay pomade 好啲。

超易洗，一沖就搞掂，👌🏻 洗頭水都可以唔洗落。

總括嚟講，依款印尼🇮🇩 styling clay 算係一倒我對印尼嘅印象，幾高級感覺同幾貼心嘅產品。產品效能比較適合好似阿哥咁短嘅髮型，咁就做到官方講嘅strong hold matte finish 。頭髮較長就未必做到喇。

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻