BLACK BEAN GROCERY- Three Beans Pomade
[𝗣𝗢𝗠𝗔𝗗𝗘]
前兩隻黑豆產品（clay同texture cream)都屬於唔太strong hold，主要做層次感同潤滑效果嘅產品，今次嚟到第三集review，係美國🇺🇸 當地best seller嘅”三豆髮油”，嚟到香港又啱唔啱洗呢？
品牌：BLACK BEAN GROCERY 黑豆牌
產地：USA 🇺🇸
試用產品：Three Beans Pomade
Haircut: 細佬 @lwd_cyrus 阿哥 @raybarber_hk
Overall: 8/10 (Highly Recommended)
光澤：2.5/10 (Matte)
軟硬度：5/10 (Medium)
持久度：9/10 (Strong Endurance)
柔順度：4/10 (Low)
清洗：6.5/10 (Easy to wash out)
重塑：可以
香味：淡淡豆奶味
特色：真。啞色pomade，適合中長頭髮所用嘅 “髮泥”、建議手摷
[包裝]
一向以包裝吸引你眼球嘅黑豆牌，今次依款 Three Brans Pomade 相對冇咁吸睛喇。今次應該就唔係參考亞洲食材包裝，但標誌中間有粒豆都係幾過癮嘅。
比起市面上其他pomade，用咗相對高身嘅玻璃樽同埋樽口比較窄，係一開初使用上來講冇乜大問題，不過大約用咗一半之後打落就會比較難 scoop 出嚟，所以扣咗少少分。
另外對香港人嚟講都仲有個扣分位嘅—— 包裝上面印有簡體字。雖然係🇺🇸 美國製造，但咁嘅包裝喺🇭🇰 香港確實有影響。作為香港黑豆牌嘅獨家代理，當然有向佢哋反映呢個問題啦，佢哋都同意將之後嘅產品用返繁體字👍🏻 好欣賞佢哋接受同尊重唔同意見。
題外話：更加欣賞佢哋嘅誠意，黑豆牌新出嘅styling powder 叫”大佬”🤣 包裝唔單只係繁體字，仲要有香港嘅口語，港味十足🇭🇰，我哋都好期待。
[使用過程]
新開封嘅Three Beans Pomade ，最面嗰浸會比較係乾身同硬身(圖7)，會比較難scoop出嚟。不過用完最面嗰浸之後，scoop出嚟就簡單好多，而且個質地都幾滑身(圖8)，上手都好易推。推推下會有一兩粒嘅顆粒，最好就挑出嚟，唔好推埋上頭。依個位喺使用上扣咗啲分。
唔好睇佢係pomade，其實上頭嘅過程同髮泥一樣，都係會feel到乾乾地同埋有啲頭髮拉扯嘅感覺。所以，我哋認為唔太適合用梳，最好都係手摷。如果想冇咁扯頭髮，可以頭髮微濕上頭，而且hold力等效果冇明顯分別，乾哂之後都會變番啞色。
[效果]
光澤方面，睇圖都見到係啞色，我哋會當係長頭髮都用到嘅髮泥。由於佢其實係pomade，黏性比起一般髮泥會強，所以比起髮泥又會少啲天線頭。當初黑豆牌造依隻產品，就係想比難gel嘅頭(例如硬頭髮，電咗髮)嘅人使用。我哋用完都覺得佢做到想要嘅效果。
Volume表現好滿意，hold到全日，就算係finger comb出咗成日街都冇乜點散👍🏻 大大加分。而且唔會變硬，可以用手restyle ，啱casual出街使用。
當然，短頭髮好似阿哥咁都用得啦 (圖5,6)，只係用量嘅分別姐，效果一樣，可以話係適合唔同髮型嘅人使用。
[氣味及清洗]
官方形容個氣味係柑橘+茶+木嘅味道，但係我哋聞落去就覺得有啲似豆奶味，唔知係咪因為佢係三豆再加奶白色嘅外觀影響咗🤣
清洗方面都係正常，用一次洗頭水就可以清潔乾淨。
[總結]
總括來講，佢係strong hold嘅啞色pomade，又可以叫做黏性較高嘅髮泥。包裝同使用過程上面有少少扣分，但效果係令人非常滿意，保持一貫黑豆派產品嘅輕身特色，係夏天時候一個唔錯嘅選擇🙌🏻
Shop at: http://www.bromadehk.com
Instagram: @bromade_hk
以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
