ORIEN’T- Clay Pomade

---

[𝗖𝗟𝗔𝗬 𝗣𝗢𝗠𝗔𝗗𝗘]

BROMADE成立至今，最多人問嘅就係，有冇又hold又啞色嘅產品推介啊？今日就有一款，可以話係阿哥覺得最乾身嘅產品，同時hold力幾強，應該都幾啱大家。

品牌：ORIEN’T
產地：Taiwan 🇹🇼 
試用產品：Clay Pomade (65ml)

Overall: 8.5/10 (Recommended)
光澤：1/10 (Matte)
軟硬度：3/10 (Soft)
Hold: 7.5/10 (Medium to Strong )
柔順度：3/10 
清洗：6/10 (Wash out with Shampoo)
重塑：可以
香味：草本精油味(官方: 煙勳木，花香，果香)
特色：超乾身，真啞色，似髮泥多過pomade

[品牌及包裝]
ORIEN’T，嚟自台灣🇹🇼 嘅手作品牌，產品都係天然成份🌱，而且包裝普遍黑色外觀，我會形容為比較”酷”嘅感覺。產品包括有頭髮造型同清潔，普遍試過無論係效能同包裝都幾討好。

今次review 嘅clay pomade都係一樣風格。個蓋比起樽身有誠意🤣，用咗黑色鋼琴面加個金logo，樽身雖然只係膠樽加個貼紙，但成個睇都幾高級幾型格。

英文佢叫自己做clay pomade，但中文佢又會叫番自己做啞光髮泥。用完之後，我哋就覺得佢似髮泥多啲喇。

[使用過程]
質地實淨，用手壓落去有啲似擦子膠。Scoop out要用啲力，但唔會好難控制份量。

依隻乾嘢，喺手心捽開就已經知道好乾身，會導致捽唔匀之餘，捽開嘅時候已經開始黐住隻手。

有睇過我哋啲業餘片就知道，阿哥塑形嘅時候，通常係喺頭頂掃吓去做個層次。不過，依隻產品因為超乾嘅關係，一路掃嘅話會好扯頭髮，扯甩就唔好啦。✌🏻所以我有兩個建議:

1. 頭微濕使用: 造型時候就會冇咁乾，但相對上會令產品冇咁hold，落多啲可以補救到，而且唔會好影響光澤。又或者:
2. 輕輕掃完一層之後，改為手握✊🏻。所為手握，姐係一吓一吓揸落個頭度，代替喺頭頂不停掃嘅動作。咁樣除咗減少扯甩頭髮嘅機會之外，仲可以加強層次。

[效果]
完全符合官方描述，啞色，層次感強👍🏻。大家睇相都見到，產品喺層次感同volume 方面做得好出色，而且有成份去平衡頭髮油脂，所以出完街個頭都係乾爽唔會笠，搽喺啲陰度都可以，而且出嚟效果比較蓬鬆。

Hold力方面雖然未係超強超硬，但都有中上能力。產品未上頭已經乾身，而且產品唔重身，所以一上頭，如果想蠟高，基本上佢就會維持喺嗰個位置，唔會有太慢收乾引致扁塌嘅情況。

但由於超乾身，用梳嘅話好有機會扯甩哂啲頭髮，所以都係手摷短髮比較適合。

[氣味及清洗]
氣味係舒服嘅草本味🌱。官方就寫煙燻木加花香🌸 同果香🍎 🍓，我哋兩兄弟就聞唔到咁多味出嚟，但就係舒服嘅草本味，上頭後唔會好出。

清洗方面🚿合格。清水沖唔哂，但落一次普通洗頭水可起泡洗走，唔會話我用勁嘅洗頭水就輕鬆洗走比高分。

[總結]
超乾超啞色，使用過程會因為好乾，可能會有啲困難，但效果令人滿意，較適合手摷短髮。

因為大家都有問有冇啞色產品推介，所以BROMADE SHOP都為大家引入咗喇😉

Shop at: http://www.bromadehk.com
Instagram: @bromade_hk 

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻