飛仔 FADEJAI- Gum Pomade

---

[𝗣𝗢𝗠𝗔𝗗𝗘]

細佬用得多又硬又令Pomade，就想試吓好似啲外國人咁懶係自然嘅效果，💸所以又洗錢了。

品牌：飛仔 FADEJAI 🇭🇰
產地：USA 🇺🇸
試用產品： Gum Pomade

Overall: 7.5/10 
光澤：6/10 
軟硬度：4/10 
持久度：6/10 
柔順度：10/10 
清洗：5/10 
香味：HI-CHEW 青蘋果口味軟糖 ，要留意太long lasting. 
適用於：自然，casual，鍾意間唔中撥下頭髮嘅靚仔

又係香港品牌，但係美國製造！飛仔依個品牌其實係Hair House by Adam Chan 出嘅，喺香港barber界有一定地位嘅佢💈，出品質素點都有返咁上下🔥。見到飛仔個logo, 第一眼就覺得好似以前食嘅波仔🍛 (小弟以前都成日食！)，所以都特別問一問Adam, fadejai品牌嘅設計理念係點。

原來，飛仔好多產品包裝嘅設計理念都係想表達香港人嘅背景、文化同態度，例如做嘢快、博殺、貪靚等等🇭🇰，而其他產品都有加入Adam自己喜歡嘅日本漫畫做參考。Adam就話以前剪頭髮剪到好夜，乜都冇得食，就成日食波仔飯。而波仔logo俾佢嘅感覺係郁得好快，又陪過好多香港人搏殺過👨🏻‍🎓🧑🏻‍💻👨🏻‍💼👨🏻‍🏭👨🏻‍🔧，所以Adam就參考咗波仔個logo嚟設計成個品牌喇。

使用過程⬆️: 幾好玩，好黏好似鬼口水嘅手感(圖2,3)。細佬用依隻Pomade可以好快完成styling，所需要嘅時間係比起用其他Pomade短好多。可能正正因為佢黏度極高，加上可以梳得非常柔順，可以好快塑形，細佬覺得用得好舒暢。

味道方面➡️，其實都真係幾出，未必真係好啱大眾口味。小弟喺食飯嗰陣，好似一路都有HI-CHEW （圖6）做伴碟咁，兩隻味撈埋一齊聞有啲奇怪。

Hold 力方面➡️，有風嘅時候係會吹散少少嘅，對於想要梳好之後就唔想再理嘅巴打們，依隻就未必適合你哋喇。不過細佬就係貪佢有咁嘅效果，有啲似油性pomade，仲要可以無限翻梳。

清洗方面⬇️，可能細佬用既份量比較多，蠟完頭就咁用水係洗唔乾淨對手，要加硯液同毛巾用力抺先得。沖涼洗頭就算洗兩次頭，雖然摸落去係乾淨，但係都仲係有 Gum Pomade隻味喺度，而家連個枕頭都變Gum枕頭(爛gag)。。。
.
Overall嚟講，品牌充滿香港情懷，Gum Pomade好玩自然，值得支持飛仔😉

以上都只係個人睇法，始終每個人嘅喜好、感受，甚至係髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻