UPPERCUT DELUXE- Matte Pomade
[𝗠𝗔𝗧𝗧𝗘 𝗣𝗢𝗠𝗔𝗗𝗘]
今次為大家評測嘅產品係Matte Pomade。 顧名思義，就係介乎Matte Paste 同Pomade 之間嘅產品。依類產品通常適合唔同髮型嘅巴打，所以如果屋企有好似我哋咁有兩兄弟，又或者會間唔中轉下髮型嘅，有依類產品看門口都唔錯。
品牌：UPPERCUT DELUXE 🥊
產地：Australia 🇦🇺
試用產品： Matte Pomade
評分係兩兄弟俾嘅平均數！
Overall: 7/10
光澤：5.5/10
軟硬度：6.5/10
持久度：6/10
柔順度：7/10
清洗：6/10
香味：焦糖布甸🍮，有少少奶味
適用於：阿哥用會比較 formal、整齊；細佬用就反而natural啲。
質地好似Mousse（圖 2），好易推開同好滑，可以搽得好均勻。細佬梳起上都算順暢，而阿哥用起上嚟就冇乜問題，唯獨要注意使用份量: 因為佢雖然叫做Matte Pomade，事實上我哋覺得佢並唔係真係好Matte ( 字典: adj. 不光滑的,表面無光澤的)，用多咗隨時會好令！
UPPERCUT 嘅產品都會有持久(hold)同光澤(shine) 嘅數值比大家參考（圖3），不過我哋親身試完依款matte pomade之後，Shine方面我哋嘅比分同佢有啲出入。
大家可以睇吓圖4同圖5，細佬同阿哥個頭喺使用後都有相對嘅光澤，阿哥個頭睇落仲有啲笠𠻹。佢樽身上話Shine 得1分，就見仁見智了。
有趣嘅係，因為阿哥同細佬唔同髮型，阿哥使用起上嚟就會比較formal，而細佬用落就比Deluxe Pomade 相對 natural 同soft。
阿哥🧔🏻：唔想個頭咁笠，所以份量就冇用咁多，持久力就相對冇咁好。雖然功能平均，但持久力始終爭啲，短髮用起上嚟感覺笠笠哋，個頭都會塌塌地，overall 唔算高分。
細佬👦🏻：始終要梳齊好大pat 頭髮做side part, 用嘅份量都算幾多，大約係兩隻手指頭嘅份量。有風嘅情況下都會吹散咗少少，但係整體問題不大嘅。
唔太硬唔太持久唔太shine嘅佢，就成為一隻比較大眾化嘅產品。
清洗方面🚿，就唔可以做到好似gel type嘅pomade咁清水就沖得乾淨，不過加洗頭水就可以輕鬆洗乾淨。
以上都係我哋個人意見，如果有唔同睇法歡迎留言或者dm我哋交流吓！
