hongkong homebrew- 髮油 Pomade (Limited Edition)
[𝗣𝗢𝗠𝗔𝗗𝗘]
hongkonghomebrew pomade返嚟喇！低質(努力進步中）BROMADE趕得切喺今日出review！ 點解要揀今日？因為今日係🇭🇰🖐🏻☝🏻，依個亦都係@hongkonghomebrew 係限量版包裝上想表達嘅訊息，相信大家都感受到。
品牌：hongkonghomebrew
產地：Hong Kong 香港 🇭🇰
試用產品: 髮油 （限量版）
Overall: 9.5/10
光澤：8/10
軟硬度：6/10
持久度：9.5/10
柔順度：9.5/10
清洗：8/10
香味：清新檸檬草
適用於：鍾意oil-based pomade 效果而又想易洗嘅兄弟
一睇個包裝就知同以往hkhomebrew有好大分別啦。以前就比較簡約嘅設計，今次係包裝上就花咗唔少功夫。
首先，會有一個淺色嘅木盒裝住依罌髮油，比起佢其他產品用紙盒，你就知依個係限量版啦🤣。樽身方面，老實講句，有啲似骨灰龕（身邊都有唔少朋友有相同諗法🤭），好彩我哋百無禁忌。樽身後面見到有產品描述嘅藏頭詩，不禁令我哋打咗個冷震，好詩！我哋都問一問hkhomebrew 今次髮油樽身嘅設計靈感。原來，包裝係參考咗日式陶瓷茶葉罐🍵，成個包裝同市面見到嘅髮型用品完全不同，別樹一格。因為依個樽身設計，樽口位置比較細，所以相對比較難抆出嚟。
使用過程：質地同styling cream一樣，好易推開好易apply。上頭同埋梳嘅時候，就覺得同平時用開嘅water-based pomade有啲唔同。梳起上嚟竟然有一種oil-based pomade嘅黏笠感同順暢！而且效果同性能都同油性髮蠟好似！
效果：似油性，算係幾令，唔會收乾變硬。黏性高，唔會有天線頭嘅情況，可以梳到好整齊嘅效果。而且仲真係可以好似油性髮蠟咁無限翻梳😍。根據我哋story 做嘅blind test (圖7），有4成受訪者誤以為我哋係用咗oil based pomade！今次真係比我哋呃到喇！
清洗：雖然效果似油性髮蠟，不過竟然同water-based pomade一樣咁易洗！評分同一般water based pomade 差唔多。
細佬想講，我真係好鍾意依隻pomade。本身細佬就好鍾意oil-based pomade 出嚟嘅效果，順滑黏貼，但又真係太難洗所以相對少用。依隻pomade 可以話完全符合晒我嘅喜好同訴求，如果唔洗做review，我真係會日日都用。毋庸置疑，hongkonghomebrew 髮油成為細佬嘅第一位（暫時🤪🤣）。
雖然今次依罌hkhomebrew髮油限量版嘅價錢偏貴，算係一個扣分位。不過hkhomebrew喺髮油材料方面依然精心挑選有保證之外，係包裝同埋各種設計上都花咗好多心機。個人認為係十分值得收藏同埋支持嘅本地製作🇭🇰🙌🏻。
以上都只係個人睇法，始終每個人嘅喜好、感受，甚至係髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
