SUAVECITO- Pomade (Social Distortion)

---

[𝗣𝗢𝗠𝗔𝗗𝗘]
喂喂喂，依個牌子唔使我多介紹啦🤨
相信好多巴打都同我哋一樣，第一隻用嘅Pomade就係用 SUAVECITO 骨仔。貪佢隻味幾香，同埋有返咁上下嘅硬度同埋令度👻作為一隻我哋叫做入門嘅pomade，都算唔錯🔥

品牌：SUAVECITO 💀
產地：USA 🇺🇸
試用產品: Pomade (Social Distortion)

Overall: 7/10
光澤：6/10
軟硬度：7/10 
持久度：7/10 
柔順度：7/10
清洗：8/10
香味：骨仔古典古老佬味
適用於：初初接觸油頭嘅巴打

因為我哋第一甖嘅骨仔就用晒啦，就特登買返一甖新嘅搵返個感覺🤣骨仔出咗好多唔同版本嘅pomade，不過其實效果係一樣，只係氣味同包裝上嘅分別。在此感謝大師 @manlyman_store 提供嘅專業資訊🙏🏻！
.
上手嘅時候就feel唔太易推，有啲棘手。上頭都算可以均勻搽晒成個頭，唔會一噠噠。

其實骨仔嘅pomade喺各方面都有好平均嘅表現。唔會太令、唔會太硬、易洗，Hold力足夠。梳起上嚟輕輕有少少棘，梳順咗之後大致上都冇問題，唔會扯頭髮。加上價錢相對其他牌子嘅pomade平（大約一百蚊），同埋味道都幾清新幾香，令唔少初初接觸油頭/ barbershop文化嘅巴打都會揀佢破處🤣
.
不過正正因為各方面做得好平均，相對其他牌子嘅pomade冇咁有特色，令到唔少用耐咗嘅巴打都會開始嘗試其他牌子（包括我自己）。因為當你開始玩耐咗嘅時候，就會發現自己偏向追求邊一類型嘅效果。就好似細佬而家咁，偏向鍾意自然少少嘅效果，自然就會選擇 medium shine / medium hold嘅產品。相反，如果你鍾意勁硬勁令嘅，就可能會揀high shine, firm / extra hold嘅產品。

總括嚟講其實骨仔都係一個幾好嘅牌子。唔係淨止pomade，佢嘅止汗膏、鬚後水、甚至係香薰蠟燭質素都唔錯。啱啱入坑嘅巴打，如果未搵到自己偏向邊類型嘅效果，不妨都用下抵玩嘅骨仔慢慢攞下感覺👍🏻
.
以上都只係個人睇法，始終每個人嘅喜好、感受，甚至係髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻