好多人會問，BROMADE如果唔洗做barbershop review ，會去邊度剪頭髮，會推介邊間。今日大家終於知道答案喇😌。冇錯，今日review嘅，就係  BROMADE專頁出世之前，我哋兩兄弟一直去開嘅barbershop。而且，依間barbershop 最近又搬咗，搬完又再開分店，可以話係近年成長速度幾快嘅 barbershop。佢就係GOODMAN 。

GOODMAN BARBERSHOP

Barber:
細佬- Barber Felix (Mong Kok),
阿哥- Head Barber Sam (Tsim Sha Tsui)

上面講過GOODMAN最近開咗新分店，但其實元組總店係喺尖沙咀，新開嘅喺旺角。兩間店最大分別可以話係個環境。

環境 ：

1. 尖沙咀元祖店：門口位置擺放三人沙發、茶几、各種木色傢俬，就好似一個朋友聚會嘅area。雖然樓底唔算高，但透過裝修令空間感增加，感覺闊落咗。牆上亦掛咗好多40, 50年代嘅外國男士造型相片，反映到其實barbershop 並唔係一個潮流，而係源遠流長嘅文化。

2. 旺角：色調同尖沙咀已經好唔同。白色襯綠色嘅風格，加上燈光同比較現代化嘅裝修，感覺係現代化啲嘅傳統文化。旺角店用咗一大幅長鏡，空間感大大增強。雖然實際上地放唔算好大，始終旺角地鋪，但成個設計同環境令人舒暢。

3. 兩間分店嘅裝修風格都大有不同，位於旺角白布街嘅裝修比較現代；尖沙咀漆咸道南嘅元祖店就比較Classic。店主Sam 提及係想令 GOODMAN 變得多元化，迎合返唔同風格嘅客人，等佢哋可以因應返自己嘅喜好或者需要去揀返適合自己嘅舖頭。而且，代表住GOODMAN嘅成長，由元始好傳統嘅感覺，希望慢慢都可以有一種現代感，比大家知道去barbershop剪頭髮，其實都係好現代同時又係好傳統嘅事。

設備：

1. 洗頭🚿：獨立一個洗頭床。

2. 飲品🥤：暫時只有尖沙咀分店有飲品提供，啤酒汽水紙包飲品都有。

3. 熱毛巾：因為疫情關係，暫時冇熱毛巾提供，平時有嘅。

4. 會燒一枝枝嘅檀香，增添咗種店舖格調。

BARBER:
[概念]
對於GOODMAN 嘅 barber 來講，剪頭髮有三大元素，而且係有分先後次序。SHAPE > MAINTENANCE > FADING. 老細 Sam 認為，市面上好多好吸引嘅髮型，可能都係 fading 靚好搶眼好靚好 sharp，但對於佢嚟講，最重要嘅係 shape，反而 fading 會喺比較後嘅位置。

首先係 SHAPE. 講緊係成個頭嘅形狀。由於唔同人頭型同頭骨凹凸唔同，就算想知一樣嘅髮型，barber們都應該要先睇番成個 shape 去剪，而唔係一味剪一樣嘅髮型。尤其係 conjunction 嘅位置，屬於連接上方頭髮同 fading 部份嘅接駁位，只要依個部份做得好，成個髮型嘅 shape 都唔會衰得去邊，唔會剪到個頭三尖八角📐同埋唔自然。

第二就係 MAINTENANCE. 客人除咗係剪頭髮嘅時候唔使自己 gel 頭之外，其餘時間都係需要自己打理頭髮，所以一個容易打理嘅髮型係好緊要。BROMADE 深明呢個道理，有時候剪完個髮型硬係有幾條會分錯邊，又或者梳唔貼等等。特別係個轉位，如果處理得差真係會梳到好炆😡 所以，GOODMAN 將依樣嘢排第二位。

第三先至係FADING, 好多人會將個重點完全放晒喺 fading 度，包括我哋自己在內。不過聽完 GOODMAN 嘅一套之後，覺得都幾有道理，因為成個髮型一定係整體咁睇而唔係只係集中其中一個部份。而且，雖然 GOODMAN 將 fading 放係較後位置，唔代表佢哋嘅 fading 剪得差。你哋睇我哋嘅相都應該可以自己評價到。

老闆 Sam: 提及到自己其實幾鍾意幫客人洗頭，尤其是係新客人。因為透過洗頭可以比較仔細咁摸清楚客人嘅頭型同頭骨位置，對剪頭髮嘅時候有好大幫助。雖然而家疫情嘅關係需要戴口罩，但係 Sam 都會比客人揭一揭開個口罩去分析客人嘅面形再作調整。Sam都有講到，barber用剷會多過鉸剪，係因為以前剪頭髮講求快，不過依家就要靚正，速度未必係重點。

Felix: 由於細佬個頭好乾淨咁樣去剪，所以 Felix 就冇幫我洗頭，淨係噴濕我個頭就開始剪。噴濕我個頭之後佢有摸一摸我頭骨邊個位置比較突出，幫助分析邊個位置應該重手啲或者輕手啲。細佬今次照舊要求 low fade, 同時提及想慢慢留長啲頭髮，令到兩側嘅頭髮都可以向後梳，所以佢幫我剪咗個 low fade + taper 嘅髮型。Felix 整個過程說話比較少，睇相見佢個眼神都知佢幾咁專心啦，靜靜地咁剪頭髮反而幾啱 feel. Overall 細佬都好滿意成個髮型，好 classic 嘅感覺，你哋又覺得點呢？

時間：透過 Reserva system 可以上網直接book。準時開始，剪頭髮過程60分鐘多啲左右。

價錢：
Haircut: $360 (Head Barber- Sam); $300 (Barber- Felix)

地址 :
尖沙咀元祖店（漆咸道南119C地鋪）；旺角店（白布街8號地鋪）

營業時間：
Mon.- Sat. 1100-2000
Sun. Close

以上都係我哋個人意見，如果有唔同睇法歡迎留言或者DM我哋交流吓！

#bromade #bromadehk #goodmanbarbershop #barbershopreview #menhaircuts #menshair #barbershop #hkbarbershop #barbershophk #hkbarber #lowfade #highfade #pomadehk #hkpomade #pomade #haircut  #hk #hkig #hongkong #髮型 #油頭 #香港 #理髮店  #tsimshatsui #mongkok #tstbarbershop #mkbarbershop