BLACK BEAN GROCERY- Superior Clay
[𝗖𝗟𝗔𝗬]
你以為係醬料？其實係髮泥！
香港終於有得買！國際著名 Reviewer 嘅美國品牌髮泥，包裝用咗亞洲醬料做設計。
超輕身嘅髮泥最適合夏天使用，好用得嚟又值得收藏！不過小心唔好俾阿媽拎咗嚟煮嘢食😥
BROMADE 有詳盡 review！
今次review 嘅產品包裝比較特別。望落去好似醬料🥫，但其實唔食得，係用嚟蠟頭㗎！
品牌由著名國際Reviewer始祖🙌🏻 @the_pomp_official 創立。喺佢2012年開始review product嘅時候，阿哥👶🏻都仲未知咩叫pomade咩叫油頭。由reviewer大師創造出嚟嘅product ，又好唔好用嘅呢？
品牌：BLACK BEAN GROCERY
產地：USA 🇺🇸
試用產品：Superior Clay
Overall: 8.5/10
光澤：4/10
軟硬度：2/10
持久度：5/10
柔順度: 8/10
清洗：9/10
香味：清新草本味🌿，有少少似夏桑菊/ 銀菊露
適用於：較厚頭髮，夏天零重力自然造型
容許我再介紹一下黑豆牌 @blackbeangrocery 先。創辦人之一 @the_pomp_official 其實係🇺🇸American Asian。佢哋話，喺三藩市嘅American Asian Household裏面，都一定會有啲亞洲食材，例如李錦記蠔油啊，鷹嘜啊咁，所以佢哋覺得依一類包裝好有標誌性，就參考咗依啲亞洲（甚至係香港🇭🇰！）食物醬料嘅包裝，作為佢哋髮型用品嘅設計藍本喇。雖然外貌睇落十足十亞洲醬料，但其實係美國🇺🇸製造，仲有繁體字係上面。夠哂gimmick之餘，試用過之後我哋仲覺得質素幾好添。
講番依樽Superior Clay先。⬆️佢可以話係阿哥用過最輕身嘅clay，上頭之後幾乎零重力。夏天咁熱，用一隻輕身又有造型嘅product 就會舒服好多喇。
外貌似一罐蝦醬🦐咁，但其實唔係蝦醬味嘅(係蝦醬味搽上頭都幾驚🤣)，反而有啲似夏桑菊定銀菊露加少少花香🌷，清清哋幾好聞。
有睇我哋上一段styling片都知喇，⬆️好易推好易apply，基本上係咁咿係個頭度掃嚟掃去就得，唔會掃得唔均勻，而且滑到用梳都冇問題。不過阿哥個頭就冇用梳，細佬就想懶自然咁手摷（圖4,5）。
效果: overall 好啱阿哥心水❤️。就咁睇圖2同圖3，都見到有足夠嘅層次感之外，依隻clay唔會乾唔會硬，有自然光澤，可以瘋狂重塑之餘隻手又唔會笠。以上種種特點都係我比8.5分⬆️(算幾高喇)嘅原因。但係，依隻Superior clay冇乜volumise嘅效果，所以如果本身頭髮較薄，再用依隻clay就未必做到個豐盈感喇。我自己本身頭髮厚，想就咁加啲層次，輕身咁出街就完全啱用喇。
不過，正正因為佢零重力，雖然可以瘋狂重塑，但係⬇️. hold 力較弱同冇乜硬度，只可以for自然隨意造型為主。好似阿哥咁嘅短髮拎層次感就絕對冇問題，但如果頭髮係好似細佬咁中長度，基本上三四個鐘就hold唔住，開始塌同埋跌落嚟。所以兄弟們如果你要蠟高個頭hold足全日嘅話 ，依隻野就唔適合你喇。反而，會比較適合想扮自然扮不羈撥吓頭髮嗰種。
清洗方面🚿 ⬆️ 亦都因為hold力唔強，十分容易清洗，清水都洗得走哂。
黑豆其實以前都出過幾款product，但效果聽講就一般。今次比較新少少嘅Superior Clay就得到唔錯嘅分數，☝🏻包裝同效果都值得大家收藏！
我哋都會繼續試佢最新系列嘅其他產品，包括Texture Cream，Three Beans Pomade同Three Beans Brilliantine，大家拭目以待。同時，敬請留意⛱ BROMADE SHOP開張優惠！💥 黑豆產品更加有限時優惠添！
以上都只係個人睇法，始終每個人嘅喜好、感受，甚至係髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
